Pse?
- Aktiviteti fizik i rregullt , së bashku me ushqyerjen e shëndetshme dhe kontrollin e peshës, zvogëlon rrezikun për të zhvilluar komplikacione të diabetit, siç janë sëmundjet e zemrës dhe goditja në tru.
Para se të filloni:
- Nëse keni qenë joaktiv për një kohë të caktuar, këshillohuni me mjekun tuaj përpara se të filloni ndonjë program me ushtrime i cili mund të jetë më i vështirë sesa një ecje e shpejtë.
- Vishni këpucë të rehatshme dhe të përshtatshme.
- Mbani me vete ndonjë ushqim ose pije që përmban karbohidrate (sheqerna) me veprim të shpejtë në rast se do ju duhet të trajtoni sheqerin e ulët në gjak.
- Nëse merrni insulinë ose medikamente që rrisin çlirimin e insulinës, kontrolloni sheqerin në gjak përpara, përgjatë dhe pas (disa orë) aktivitetit fizik që keni kryer, për të parë se si ky aktivitet luhat nivelin e sheqerit në gjakun tuaj.
- Nëse keni marrje fryme ose dhimbje në gjoks, kontaktoni menjëherë mjekun tuaj.
Llojet e aktivitetit fizik
Aktivitetet aerobike
- Aktivitetet aerobike mundësojnë që frymëmarrja të jetë më e thellë dhe zemra të rrahë më shpejt (ecje, vrapim, biçikletë, not etj.)
- Synoni të realizoni 150 minuta ushtrime aerobike në javë (mund të filloni ngadalë me nga 5 deri 10 minuta stërvitje në ditë)
Ushtrime rezistence
- Ushtrimet e rezistencës përfshijnë ushtrime të shkurtra përsëritëse me pesha, makina peshe, fasho rezistence apo me peshën tuaj trupore, me qëllim ndërtimin e muskujve dhe forcës.
- Synoni të bëni ushtrime rezistence 2 deri 3 herë në javë.
- Nëse filloni ushtrime të rezistencës për herë të parë, duhet që paraprakisht të këshilloheni me mjekun juaj.
Referenca
Diabetes Canada: Physical activity. (n.d.). Retrieved April 12, 2022
